“සූ-මී” හා “සූ-යොන්” නම් සොහොයුරියන් දෙපළක් වටා ගෙතුන මේ අපුරු අන්දරය ආරම්භ වෙන්නේ මානසික රෝහලක ප්‍රතිකාර ලබමින් සිටින සූ-මීව පියා විසින් නිවසට රැගෙන ඒමත් සමගයි. එහිදි අපිට මුණගැසෙන කුඩම්මාගේ චරිතය නපුරු කුඩම්මා ලෙස වටහාගන්න වැඩිවේලාවක් ගතවන්නේ නෑ.
මෙතෙක් වේලා බොහොම සුන්දර අන්දමින් ගලාගිය මෙම චිත්‍රපටය මෙතැන් පටන් ඉතා අඳුරු මාවතක් ඔස්සේ ගමන් කිරිමට පටන් ගනනවා.
සොහොයුරියන් දෙදෙනා, පියා සහ කුඩම්මා අතර ඇතිවන හැලහැප්පිම් මගින් මේ පවුල් සංස්ථාව ලොකු රහස් කිපයක්ම එකිනෙකාගෙන් වසන් කරන බව අපට පෙනීයනවා. මේ පවුලට එකිනෙකාගෙන් එල්ලවෙන පිඩනයට අමතරව අත්භුත බලවේග කිපයක්ම මෙම නිවස වටා ක්‍රියාත්මක වෙමින්
නිවැසියන් භීතියට පත්කරනවා.
මේ අතරින් සොහොයුරියන්ට පෙනෙන මැදිවියේ කාන්තා හොල්මන. කුඩම්මාව ලුහුබදින කුඩා දැරියගේ හොල්මන අපට සදහන් කරන්න පුලුවන්. මෙම අභිරහස් වලට හේතුව සොහොයුරියන්ගේ මවගේ අකල් මරණය හා සම්බනද බව අපිට අනුමාන කලහැකි උනත් අධ්‍යක්ෂකවරයා අවසාන මොහොත දක්වාම අපෙන් සැබෑව වසන් කරනවා.
මේ චිත්‍රපටය ගැන විශේෂයෙන් සදහන් කලයුතු දෙයක් තමයි මෙහි එන සැම රුප රාමුවක් පිටුපසම විශාල අරුතක් ගැබ්වී තිබෙන බව. මේවා ඔස්සේ කතාව තේරුම් ගැනිමට අධ්‍යක්ෂකවරයා අපට ඉඟි ලබා දෙනවා. මේවා හොඳින් තේරුම් ගත්තොත් කතාවේ රසය තවත් වැඩිවෙන බව නොඅනුමානයි. එසේ කිරිමට නොහැකි උනත් කිසිම අඩුපාඩුවක් නොවන්නේ මෙහි එන horror scene ඉතාමත් බිහිසුණු අන්දමට, අප නොසිතන අන්දමට ඉදිරිපත් කර තිබෙන නිසායි.
තවද මෙය පැහැදිලි කිරිමට නොයෙකුත් දෙනා විසින් ලියන ලද විචාර විශාල ප්‍රමාණයක් අන්තර්ජාලයෙන් හොයාගන්න පුලුවන් කම තිබෙනවා.
කුඩම්මාගේ කුරිරු ස්වාභාවයත්, සොහොයුරියන්ගේ අතර පවතින බැඳිමත් මනාව ඉස්මතු වෙන ආකාරයෙන් මෙය අති බිහිසුණු අවසානයක් කරා ලගා වෙන්නේ අප කිසිසේත් බලාපොරොත්තු නොවු හෙලිදරව්වක් සමගිනුයි. ප්‍රෙක්ෂකයා කම්පාවටත්, විශ්මයටත් පත් කරන මෙම අවසානයත් සමග අපි මෙතෙක් වෙලා ගොඩනගාගෙන පැමිණි මතවාද සියල්ල දෙදරා යනවා.
Horror සහ අමුතු චිත්‍රපට වලට කැමති සෑම කෙනෙකු විසින්ම නැරඹිය යුතු එකක්..
Jonah Hex (2010)
මේ Jonah Hex ෆිල්‍ම්‍ එ‍ක 2010 දී නි‍කුත්‍ වූ සු‍පි‍රි එ‍ක‍කි.
Jonah Hex කියන්නෙත් DC Comics වලට අයිති බොහොම ප්‍රසිද්ධ චරිතයක්.
ඇත්තටම DC Comics ලට උවමනා කරලා තිබුනා Marvel Comics ලා නිපඳවනු ලැබූ Spider Man වගේ නිර්මාණ වලට දෙවෙනි නොවෙන විදියේ නිර්මාණයක් කරන්න. ඒ සඳහා ඔවුන් Warner Bros. Pictures, Legendary Pictures එක්ව මේ චිත්‍රපටය $47,000,000 වගේ විශාල මුදලක් යොදා නිර්මාණය කෙරුවා.
කතාව ගැන කියනවනම්, චිත්‍රපටය පටන්ගන්නෙ Jonah Hex ගේ මුළු පවුලම Quentin Turnbull කියන පුද්ගලයා විසින් ඉතා කෲර ලෙස මරා දමන දර්ශනයකින්.
ඔහු Jonah Hex වත් මරා දමා ගියත් Jonah Hex ට ජීවත්වීමෙ භාග්‍ය හිමි වෙනවා. ඒ වගේම Quentin Turnbull කියන පුද්ගලයාව මුළු මහත් ඇමරිකාවටම තර්ජනයක් වෙනවා. Quentin Turnbull ගේ ක්‍රියා නැවැත්වීමට ඇමරිකානු රජය විසින් Jonah Hex ගේ පිහිට පතනවා.
ඔන්න ඕක තමයි මූලික කතාව. තව දෙයක්, Jonah Hex ට හැකියාවක් තියෙනවා, මියගිය මිනිසුන්ට පණ දීමට. කතාව මෙහෙම උනාට Jonah Hex විසින් මෙහෙයවන පරණ කාලෙ තුවක්කු ජවනිකා එහෙම ඉතා රසවත් හා ඇසිපිය නොහෙලා බලන්න පුලුවන් අයුරින් නිර්මාණය කරලා තියෙනවා. ඔබ අනිවා බැලිය යුතු චිත්‍රපටියක් ලෙස මෙය හඳුන්වන්න පුලුවන්..
No comments:
Post a Comment