මැදිවියේ අනංගයා අපූරු පිළිතුරක් දීලා

පිටකොටුව බලා ගාලූ පාරේ ධාවනය කැරුනු බසයකි. අසුන් සියල්ල මගීන්ගෙන් පිරී තිබිණි.
ඉදිරියේ අසුනක වීදුරුව අයිනේ වාඩිවී උන් තරුණිය යම් අපහසුතාවකින් මෙන් එහාට මෙහාට ඇඹරෙයි. ඇය අසල වාඩි වී සිටියේ මැදිවයසේ පිරිමියෙකි.
තරුණිය නොරිස්සුම් ස්වභාවයකින් බොහෝ

අපහසුවෙන් ගමන් කළාය. පිරිමියා ඒ ගැන කිසිවක් නොදන්නා අයුරින් කරබාගෙන ගමන් කළේය. ඔහුගෙන් ඇයට යම් හිරිහැරයක් සිදුවන බව බැලූ බැල්මට පෙනෙන්නට තිබිණි.
තව ටික දුරක් යන විට තරුණියගේ රතුකට්ට පැන ඇති බව දැකගන්නට ලැබිණි. ඇය ඔරවා ඔහු දෙස බලන අයුරු ඔහු දුටුවේ නැත. ඇය එක්වරම මහ හඬකින් මොකද කරන්නේ කියා ඇසුවාය. ඔහු ඇඟට පතට නොදැනෙන්නට, ආ මමද මේ දවස්වල මාවනැල්ලේ කඩයක් කරනවා යැයි කීවේ තමන් තරුණියට කළ හිරිහැරය වෙනතකට හරවන්නට මෙනි.
කෙසේ වුවද එම දෙබසින් පසු මැදිවයසේ පුද්ගලයා මෙල්ල වී තමන්ගේ පාඩුවේ ගමන් කළේය.